“Audi” luksoz me shpejtësi skëterrë goditi nga mbrapa makinën që po udhëtonte familja, theu shtyllën dhe përfundoi jashtë rruge

Detaje të reja bëhen me dije nga aksidenti i rëndë i ndodhur mëngjesin e sotëm në aksin Vlorë-Levan në afëris të fshatit Panaja në vendin e quajtur ‘Kripa’.

Mësohet se automjeti tip ‘Toyota’ me targa greke, ka humbur kontrollin dhe ka dal nga rruga si pasojë e një goditjeje që ka marrë nga mbrapa nga një automjet tip ‘Audi’, i cili po lëvizte me shpejtësi me shpejtësi shumë të lartë. Të dy automjetet kanë përfunduar jashtë rruge por dëmtimet më të mëdha i ka marrë automjeti me targa greke.

Për pasojë, kanë humbur jetën 4 pjesëtarët e familjes që po udhëtonin me mjetin Toyota.

Gjithashtu të plagosur, por jashtë rrezikut për jetën kanë mbetur dhe 3 të rinj të cilët po lëviznin me mjetin tip ‘Audi’, i cili dyshohet se shkaktoi dhe aksidentin.

Përplasja ka qenë tepër e fortë sa mjeti tip Audi ka thyer dhe shtyllën e energjisë elekrtrike.

Në vendngjarje ndodhen policia dhe grupi hetimor të cilët po punojnë për zbardhjen e rrethanave të aksidentit.


Shtuar 25.06.2021 10:14