Atentatet e bujshme në vend, “ushtari” i Nuredin Dumanit kërkon t’i kthehet statusi i bashkëpunëtorit të drejtësisë

Bashkëpunëtori i Nuredin Dumanit, Henrik Hoxhaj ka kërkuar nëpërmjet avokatit që t’i kthehet statusi i bashkëpunëtorit të drejtësisë.

Kjo për shkak se gjykata ia hoqi me arsyen se ai nuk ka treguar për disa ngjarje për të cilën ai ka qenë autor apo bashkëpunëtor.

Ai i ka treguar gjykatës se ka qenë bashkëpunëtori më i drejtë pasi ka treguar ngjarje dhe detaje nga krimet më shumë se cdo bashkëpunëtor tjetër. Me heqjen e statusit ai tashmë nuk përfiton nga ulja e dënimit.

Hoxha u arrestua bashkë me Dumanin më 29 mars 2022 në qytetin e Fierit, pas atentatit që ranë pre e u plagosën të dy. Ai është një nga ‘ushtarët’ më të besuar të Dumanit, me të cilin ka mbajtur kontakte si në Kosovë e Shqipëri.