Asambleja e Përgjithshme e OKB-së ka votuar në favor të një rezolute që e bën të qartë se Rusia është shkaku i vetëm i krizës humanitare në Ukrainë.
Pothuajse tre të katërtat e organizatës kërkuan akses ndihme dhe mbrojtje civile në Ukrainë dhe kritikuan Rusinë për krijimin e një situate “të tmerrshme” humanitare.
Rezoluta gjithashtu kërkon t’i jepet fund rrethimit të qyteteve, në veçanti të qytetit port të Mariupolit.
Është hera e dytë që Asambleja e Përgjithshme prej 193 anëtarësh ka izoluar në masë të madhe Rusinë për pushtimin e fqinjit të saj.
Rezoluta, e cila u hartua nga Ukraina dhe aleatët, mori 140 vota pro dhe pesë vota kundër nga Rusia, Siria, Koreja e Veriut, Eritrea dhe Bjellorusia.
Gjithsej 38 vende, përfshirë Kinën, abstenuan nga votimi.
The international community has spoken again: #UNGA demands an immediate cessation of hostilities by Russia, in particular attacks against civilians.
140 votes for the Resolution on Humanitarian consequences of the aggression against #Ukraine.
Russia will be held accountable. pic.twitter.com/i57aQSI6Uf
— Josep Borrell Fontelles (@JosepBorrellF) March 24, 2022
