Gazetari Artan Hoxha ka treguar periudhat kur ekzekutohen më shumë persona në Shqipëri.
Teksa foli në studion e ABC në lidhje me numrin e madh të të vrarëve gjatë muajve të verës në Sjhqipëri, Hoxha tha se periudhat në të cilat vriten më shumë njerëz janë ato mes gjysmës së dytë të korrikut dhe muajit gusht dhe për festat e fundvitit.
Sipas Hoxhës bëhet fjalë për një bilanc lufte me motive të ndryshme, siç janë atentatet për larje hesapesh apo hakmarrjes me grupeve kriminale apo zhdukje personash, siç është rasti i Ervis Martinajt.
Hoxha tha në ABC se janë dy periudha përgjatë vitit kur ndodhin më shumë vrasje në Shqipëri. Sipas tij, periudhat më problematike janë ajo mes gjysmës së dytë të korrikut dhe muajit gusht si edhe pushimet e fundvitit.
“Është kthyer në një lloj tradite tani në Shqipëri që vrasjet më të bujshme ndodhin gjatë gjysmës së dytë të korrikut dhe gjithë gushtin si edhe gjatë pushimeve të fundvitit. Këtë e tregojnë statistikat. Kjo ndodh pasi gjatë kësaj periudhe ka një rritje të numrit të njerëzve që qarkullojnë në vend. Gjatë kësaj periudhe futen shumë njerëz, ndërkohë që edhe elementët kriminalë ulin vigjilencën dhe aty goditën”, tha Hoxha.
Kujtojmë se brenda një kohe të shkurtër, janë ekzekutuar rreth 25 persona./albeu.com/
