Të gjitha gratë që punojnë e dinë që përgjumja e mesditës shfaqet gjithmonë në momentin më të papërshtatshëm, pra menjëherë pas ngrënies dhe në kohën kur dëshironi të jeni sa më produktivë.
“Për një kohë të gjatë, ne menduam se përgjumja e mesditës lidhej drejtpërdrejt me ushqimin”, Dr. Van Dongen.
Në fakt nuk është aspak kështu. Shpjegimi i vërtetë pas asaj se sa të përgjumur ndiheni është i rrënjosur në dy fenomene biologjike, të cilat mund t’i mendoni, në thelb, si dy makina të vogla që rrotullohen brenda trupit tuaj: nxitja homeostatike e gjumit dhe ritmi cirkadian.
Kur nuk flini mjaftueshëm, sistemi fiket. Rritja e presionit të gjumit shkon pak përpara kur ora e trupit ushtron presion të mjaftueshëm për të kompensuar.
Pse befas ndihemi shumë të lodhur pasdite?
Gjumi homeostatik është dëshira juaj për të fjetur, sipas Qendrave për Kontrollin dhe Parandalimin e Sëmundjeve (CDC). Gjatë ditës dëshira për të pushuar bëhet gjithnjë e më intensive duke arritur kulmin e saj në orët e hershme të mbrëmjes.
Ndërsa nxitja juaj homeostatike e gjumit rritet gjatë gjithë ditës, ritmi juaj cirkadian (mendojeni si ora e brendshme e trupit tuaj) kompenson lodhjen e shtuar për t’ju mbajtur energjik dhe vigjilent. Këto hormone luftojnë dëshirën tuaj për të fjetur derisa të vijë koha për t’u shtrirë në shtrat. Trupi më pas lëshon melatoninë për të reduktuar vigjilencën në mënyrë që të mund të pushoni.
Disa studime kanë identifikuar shkaqe të tjera të mundshme të përgjumjes pasdite, siç është dreka. Pas ngrënies, sistemi tretës ushqehet me rrjedhje gjaku më intensive, gjë që ndikon në trurin tonë dhe mund të na bëjë të ndihemi të lodhur.
