Gjykata e Posaçme e Apelit kundër Korrupsionit dhe Krimit të Organizuar ka refuzuar kërkesën e ish-futbollistit Igli Tare për çlirimin nga sekuestroja të një vile në bregdetin e Palasës. Me këtë vendim, masa e sigurimit pasuror mbetet në fuqi dhe prona vijon të jetë nën administrimin e autoriteteve, ndërsa zhvillohen hetimet financiare ndaj tij.
Objekti luksoz në jug të vendit është sekuestruar në kuadër të procedurave që synojnë të përcaktojnë burimin e kapitalit të investuar në të. Organet e drejtësisë po verifikojnë dyshimet për përfshirjen e Tares në fshehje pasurish dhe pastrim të produkteve të veprës penale.
Të lidhura
None found
Rasti është lidhur gjithashtu me ish-zëvendëskryeministren Belinda Balluku. Sipas raportimeve publike dhe materialeve që po shqyrtohen nga hetuesit, dyshohet se pasuria në Palasë mund të jetë përdorur për të mbuluar lidhje që do t’i mundësonin ish-zyrtares së lartë shmangien e ekspozimit zyrtar dhe të deklarimit të pasurisë. Hetimi i përbashkët i GJKKO-së dhe SPAK-ut vijon për të sqaruar të gjithë skemën.
