Familja Arapi nga Mamurrasi u përball me një tragjedi 2 vite më parë, kur djali i tyre i vetëm humbi jetën në moshën 32-vjeçare si pasojë e një aksidenti me motor. Ai la pas dy fëmijë të mitur.
Frrok Arapi, babai 63-vjeçar i viktimës, tregon mes lotësh vështirësitë e përditshme, ndërsa përpiqet të gjejë forcë për të mbështetur familjen. Sipas tij, nusja e djalit dhe dy fëmijët ndodhen në gjendje të rëndë ekonomike dhe nuk arrijnë të paguajnë as qiranë mujore të banesës.
Të lidhura
None found
Përveç dhimbjes së humbjes së të birit, Frrok Arapi përballet edhe me një sëmundje që po ia përkeqëson shëndetin dita-ditës. Ai kërkon më shumë ndihmë nga shteti, pasi nëna dhe fëmijët e saj, 13 dhe 6 vjeç, sigurojnë jetesën vetëm me 7800 lekë ndihmë sociale në muaj.
Dy fëmijët e 32-vjeçarit janë kthyer në burim force për nënën dhe gjyshërit, ndërsa çdo ditë jetojnë me kujtimin e babait që humbi jetën tragjikisht 2 vite më parë.
