Gjykimi ndaj ushtarit rus, Vadim Shyshimarin, në Ukrainë që akuzohet për krime lufte, është shtyrë, pasi dyshohet se ka vrarë një 62-vjeçar ukrainas duke e qëlluar në kokë.
Është hera e parë që një anëtar i ushtrisë ruse ndiqet penalisht për një krim lufte që nga fillimi i luftës. Zyra e prokurores së përgjithshme Iryna Venediktova ka thënë se po shqyrton më shumë se 10,700 krime të mundshme lufte që përfshijnë më shumë se 600 të dyshuar, duke përfshirë ushtarë rusë dhe zyrtarë qeveritarë.
Salla e gjyqit në gjykatën e rrethit Solomyanskyy ishte e mbushur me gazetarë dhe Shyshimarin u mbajt në një kafaz të vogël xhami.
Ai përballet me burgim të përjetshëm nëse shpallet fajtor dhe avokati i tij Victor Ovsyanikov pranon se çështja kundër tij është e fortë. Por ai thotë se vendimin përfundimtar se çfarë provash lejohen do ta marrë gjykata./albeu.com
