Një tjetër minator është plagosur në një nga galeritë private në Martanesh të Bulqizës. Sipas policisë lokale, ngjarja ka ndodhur në zonën e Batër Martaneshi, ku 52-vjeçari minator me iniciale O.H punonte si armator në galeri, por gjatë punës është aksidentuar si pasojë e shkëputjes së gurëve nga tavani.
I aksidenturi është vënë re nga kolegët e tjerë, të cilët i kanë dhënë ndihmën e parë, ndërsa më pas minatori u dërgua drejt spitalit të Bulqizës.
Sipas mjekëve, i aksidentuari ka pësuar fraktura në këmbë, por është jashtë rrezikut për jetën.
Ndërkohë, policia lokale dhe grupi hetimor po punojnë për shkaqet e aksidentit.
