Policia ka dhënë detajet e para zyrtare për aksidentin e rëndë të ndodhur mbrëmjen e sotme në aksin Elbasan-Peqin, ku humbi jetën një 70-vjeçare. Sipas njoftimit të policisë, aksidenti ndodhi rreth orës 19:20, në segmentin Pajovë-Bishqem, në vendin e quajtur “Pazari”. Në përplasje u përfshinë një automjet tip “Volksëagen”, me drejtues 47-vjeçarin A. B., dhe një “Mazda”, që drejtohej nga R. Xh., rreth 70 vjeç.
Pasagjerja e “Mazda”-s, shtetasja D. Xh., rreth 70 vjeçe, u transportua në spital pas aksidentit, por nuk mundi t’u mbijetojë plagëve të marra dhe ndërroi jetë. Të dëmtuar mbetën edhe dy drejtuesit e automjeteve, si dhe një pasagjere që udhëtonte në “Volkswagen”. Sipas Policisë, të tre ndodhen nën kujdesin e mjekëve dhe janë jashtë rrezikut për jetën.
Të lidhura
None found
Njoftimi i policisë:
Elbasan/ Informacion paraprak
Rreth orës 19:20, në aksin rrugor “Elbasan-Peqin”, automjeti tip “Volksëagen”, me drejtues shtetasin A. B., 47 vjeç, është përplasur me automjetin tip “Mazda”, me drejtues shtetasin R. Xh., rreth 70 vjeç.
Si pasojë e aksidentit, ka humbur jetën në spital shtetasja D. Xh., rreth 70 vjeçe, pasagjere në automjetin me drejtues shtetasin R. Xh.
Gjithashtu, janë dëmtuar drejtuesit e të dy mjeteve, si dhe pasagjerja në automjetin me drejtues shtetasin A. B., të cilët ndodhen në kujdesin e mjekëve, jashtë rrezikut për jetën.
Grupi hetimor vijon punën për zbardhjen e plotë të rrethanave dhe shkaqeve të aksidentit.
