Ngjarja ka ndodhur në bulevardin “Ismail Qemali”, ku raportohet se janë përplasur tre makina.

Fatmirësisht bëhet me dije se nga ky aksident nuk ka patur asnjë të lënduar përveç dëmit material të makinave.

Policia ndodhet në vendngjarje për të zbuluar shkaqet e këtij aksidenti dhe për zbardhjen e plotë të ngjarjes./albeu.com/

The post E FUNDIT/ Aksident i trefishtë në Vlorë (VIDEO) appeared first on Albeu.com.

Bëhet me dije, se i Igli Madani ka qenë duke drejtuar mjetin tip Audi A8 me shpejtësi 160 km/orë, 50 km më shumë se sa shpejtësia e lejuar, pasi në atë aks, maksimumi i shpejtësisë është 110 km/orë.

Viktimat e aksidentit janë dy prindërit, Eduart dhe Silvana Gushi si dhe dy vajzat e tyre, Anastasia dhe Eva Gushi.

Familja që u shua më 25 qershor ishin nga Patosi dhe po shkonin me pushime në Vlorë. Ata sapo ishin kthyer ng Greqia.

Kujtojmë se drejtuesi i mjetit tip “Audi” që shkaktoi aksidentin, Igli Madani, është arrestuar. Ai së bashku me dy shokët që ndodheshin në makinë, Faboi Lamaj dhe Glori Selimi, kanë mbetur të lënuar nga aksidenti.

The post Aksidenti tragjik që i mori jetën familjes Gushi, del ekspertiza: Audi ishte me 160 km në orë appeared first on Albeu.com.

Ai tregoi në një studio televizive detaje të reja nga aksidenti, pasi tha se në ngjarje ishte e përfshirë edhe një makinë e tretë, tip AUDI Q7, e cila ishte duke ecur me shpejtësi shumë të madhe, por u parakalua nga Igli Madani, me këtë të fundit që goditi nga mbrapa mjetin që po udhëtonte familja Gushi.

Ismaili tha se shpejtësia mesatare me të cilën po udhëtonte Igli Madani ishte 165 kilometër në orë, ndërsa gjurmët e frenimit të mjetit që shkaktoi aksidentin janë 63 metër.

The post Aksidenti me 4 viktima në Vlorë, shefi i sigurisë rrugore: U përfshi një makinë e tretë appeared first on Albeu.com.

Fatbardha rrëfeu telefonatën e fundit me të bijën, ndërsa i priste pas një viti, të ktheheshin për të kaluar pushimet.

“Ku ka ngushëllim për nënën, se i kanë ikur 4 lule. Ah, ç’më ka bërë i ligu, më prishi jetën e vajzës, më mbylli derën e vajzës, ju jeni nëna vetë. Ç’po bëhet me këtë popull, u vra rinia, i vrau i ligu i vrau rrugaçi, i vrau ai që ka para, unë nuk kam para.

Vajza vajti në Greqi për t’u ushqyer, për një jetë më të mirë, do vinte te nëna, të kalonte pushimet. Nëna i kishte bërë për të ngrënë, fola me vajzën i thashë “çfarë do të bëjë nëna për të ngrënë”, ajo më tha “mami më bëj një pulë me pilaf” dhe unë ia bëra gati, po e prisja të hante mëngjesin me dhëndrin e mbesat. Më iku vajza në moshë të rinisë. Dhëndrin e kisha si djalë. Të vihet drejtësia në vend, ku është shteti. Unë nuk kam lekë, ai që ma ka bërë këtë do jetë biznesmen. Vetë e di si i kam rritur, ia mbushja çantat me ushqime ia coja në Greqi.

Shteti të marrë masa, i bëj apel të gjitha nënave: Këtë që përjetova unë mos e përjetojë asnjë nënë në botë. Të jenë nëna të gëzuara, ai baba e ajo nënë që ka rritur atë djalë, të më vinte të më thoshte një fjalë te dera. Të më ngushëllonte, janë njerëz pa shpirt, nuk janë njerëz. Më helmuan kockën, më mbyllën derën e vajzës.

Shteti të marrë masa. Nuk ia pata borxh, kishin hallin e tyre. Rrugaçi i ra më qafë. Shteti të vërë dorën në zemër, sot u helmova unë. M’u shkatërrua jeta, më plasi zemra, vajza ime po ha dhe, katër varre”, tha nëna e Silvanës me lot në sy.

The post “U kisha bërë për të ngrënë, por sot po hanë dhe”, nëna e 33-vjeçares me lot: I vrau i ligu, i vrau rrugaçi appeared first on Albeu.com.

Një familje e tërë, prej katër anëtarësh, 2 prej të cilëve të mitur, humbën jetën tragjikisht në autostradën Fier-Vlorë.

Viktimë mbetën, Eduard dhe Silvana Gushi, 44 dhe 33 vjeçe, si dhe dy vajzat e saj të mitura, Eva dhe Anastasia.

Të katërt, kishin mbi 2 vite që nuk kishin takuar të afërmit, pasi prej pandemisë ishin izoluar në Greqi, shtet dhe ku jetonin. Ndërsa ditën e ngjarjes së rëndë, ato kishin ardhur për t’u takuar me të dashurit e tyre që ndodheshin në Shqipëri.

Lajmi i kobshëm ka tronditur mbarë opinionin publik, ndërsa së fundmi, ka reaguar dhe babai i Silvanës, i quajtur Sotiraq. Në një lidhje direkte për emisionin “Zemër të hapur”, e vetmja gjë që kërkonte ishte drejtësia.

“Jam i helmuari i atyre të katërtave. Jam babai i Silvanës. Kërkoj me gjithë forcën dhe sa të jetë fryma, edhe nëse nuk përgjigjet drejtësia shqiptare, do e shkrij jetën dhe të më kthehet gjaku që humba 4 persona. I bëj apel Gjykatës, avokatëve, ata që kanë shpirtin human dhe kanë pak njërzillëk, të venë dorë dhe të japin atë që kërkoj sot. Faleminderit të gjithëve atyre, që janë sensibilizuar. Me keqardhje më jepnin ngushëllimet e përzemërta. Këta fëmijë, për ata që kanë shpirtin e mirë, të pastër, dashurinë e fëmijës.

Ata janë pa nder e pa kriter. Ai lloj babai, nuk e di ku mund të jetë ai. Po ta dija që është rrugëve. Ai jo të ketë milionat, të ketë miliardat, por ka shpirtin e zi. Ta dëgjojë nga goja ime, nuk jemi hakmarrës. S’jemi kriminela. Kemi logjikën, jemi qytetarë të këtij vendi. Por ai qysh e mban vendi atë baba, atë burrë. Ai le t’i marrë masat ngado, sa të jenë organet që ne shpresojmë se do të bëjnë diçka, ai të gjej vrimë ku të futet, se ky shtet nuk i lë. Neve shpirtin do e kemi atje, ai të shikojë këta që kam këtu.

Ashtu siç po qaj unë sot dhe një popull i tërë, po si nuk i erdhi turp atij prindërit. Nuk e di se kush janë këta. Ai të vinte e të kërkonte falje, unë s’e vras! Kam shpresë! Pse u largua nga Vlora ai, sa të jetë jeta, frymë dhe gjaku i fëmijëve të mi, nuk do të humbë. Nesër të gjithë dashamirësit e mi, ai që ka shpirt, aty në qendër të Fierit do ta kini. Turp i kohës.

Morën jetë njerëzish. Nuk dua gjakmarrje, nuk dua ta di bie brenda apo jo, s’e kanë problem. I lutem zotit ta nxjerrin atë”, tha zoti Sotiraq.

The post “Jam i helmuari i atyre të katërtave”, babai i Silvanës i mbytur në lot: Të gjejë vrimë miu e të futet appeared first on Albeu.com.

Ndërkohë që në rrjet kanë plasur komentet ku thuhet se shaku është shpejtësia me të cilët po drejtonin mjetin tre të rinjtë, avokati Redon Meksi tregon se dënimi për autorin është 20 vite burg.

Megjithatë ai shton se nuk qëndron problemi tek mungesa e ligjit, por tek ata që vendosin drejtësi.

Postimi i avokatit
jo po te denohet per vrasje me paramendim , jo po per genocid etj etj po lexoj neper fb.
ligji e ka te parashikuar qarte kete veper penale e cila denohet ne maksimale deri ne 20 vjet (rasti i sotshem)
problemi nuk qendron tek mungesa e ligjit per te denuar por tek mungesa e burrave dhe grave ne drejtesi per ta zbatuar kete…

The post Avokati tregon sa duhen të dënohen shkaktarët e aksidentit me 4 viktima: Ligji e përcakton qartë, por mungojnë burrat dhe gratë në drejtësi appeared first on Albeu.com.

Zëvendës drejtori i Policisë, Albert Dervishaj teksa i ka shprehur ngushëllimet familjarëve thekson se aksidenti i sotëm po hetohet me kujdesin maksimal për të nxjerrë të gjitha përgjegjësitë në këtë rast tragjik.

Më tej ai shton se aksidentet rrugore sot marrin katër herë më shumë jetë se ngjarjet kriminale në vend dhe besoj kjo është mjaftueshëm për këdo të kuptojë se sa e rëndësishme është sjellja e kujtdo, në rrugë.

Ai gjithashtu shprehet se Policia e Shtetit do të vijojë të përforcojë masat, jo në funksion të ndëshkimit si qëllim, por për të mos lejuar që drejtuesit e mjeteve t’i kthejnë këto të fundit në rrezik real për veten dhe qytetarët e tjerë.

Njoftimi

ZËVENDËSDREJTORI I PËRGJITHSHËM I POLICISË SË SHTETIT ALBERT DERVISHAJ, DEKLARATË PËR SHTYP

Përshëndetje,

Së pari, në emër të Policisë së Shtetit i shprehim ngushëllimet më të sinqerta familjarëve dhe të afërmve të personave që humbën jetën sot në aksidentin e ndodhur në aksin Fier – Vlorë.

Pavarësisht çdo rezultati të viteve të fundit, pavarësisht çdo trendi pozitiv në uljen e të vdekurve apo të plagosurve, aksidentet rrugore vijojnë të marrin jetë dhe për Policinë e Shtetit, çdo jetë e humbur në rrugë është shumë dhe do vijojë të konsiderohet shumë dhe e papranueshme, edhe sikur të ishte një jetë e vetme.

Jemi sinqerisht të keqardhur që pavarësisht prezencës së shtuar të Policisë Rrugore në të gjitha akset kryesore të vendit, sidomos tani gjatë sezonit të verës, angazhimi ynë me burime njerëzore dhe mjete teknologjike, ndonjëherë nuk mundet të parandalojë tragjedi të tilla.

Së dyti, dua të siguroj gjithë familjarët dhe të afërmit, si dhe opinionin publik, se aksidenti i sotëm po hetohet me kujdesin maksimal për të nxjerrë të gjitha përgjegjësitë në këtë rast tragjik.

Së treti, dua të theksoj se angazhimi ynë maksimal në terren ka nevojë për mbështetje, për mirëkuptimin dhe ndërgjegjësimin e të gjithë drejtuesve të mjeteve. Aksidentet rrugore sot marrin katër herë më shumë jetë se ngjarjet kriminale në vend dhe besoj kjo është mjaftueshëm për këdo të kuptojë se sa e rëndësishme është sjellja e kujtdo, në rrugë.
Së fundmi, dua t’i siguroj të gjithë se Policia e Shtetit do të vijojë të përforcojë masat, jo në funksion të ndëshkimit si qëllim, por për të mos lejuar që drejtuesit e mjeteve t’i kthejnë këto të fundit në rrezik real për veten dhe qytetarët e tjerë.

Policia e Shtetit apelon për të gjithë drejtuesit e mjeteve që të tregojnë kujdes të shtuar dhe të respektojnë rregullat e qarkullimit, gjithashtu KUJDES, shpejtësia vret, përdorimi i alkoolit në drejtimit e mjetit vret, parakalimi i gabuar vret, mbajtja e rripit të sigurimit për vete dhe pasagjerët shpëton jetë.

Kontributi i të gjithë përdoruesve të rrugës, respektimi në maksimum i rregullave të qarkullimit nga ana e tyre, denoncimi i çdo shkeljeje rrugore të konstatuar, si dhe përkushtimi akoma më i madh i punonjësve të policisë, ku së fundmi kemi shtuar në disa akse rrugore nacionale disa radarë të tjerë, makina të pauniformuara, kamera dhe dronë, do sjellë medoemos parandalim të aksidenteve, rritje të parametrave të sigurisë në rrugë dhe ndëshkim të kujtdo që shkel këto rregulla.

The post Fundi tragjik i familjes Gushi, Policia deklaratë për media: Po hetojmë me kujdes maksimal appeared first on Albeu.com.

Bashkia Patos ka marrë përsipër mbulimin e shpenzimeve të ceremonisë mortore për këtë familje, ndërsa shpreh ngushëllime për humbjen e tyre.

Njoftimi i Bashkisë së Patosit:

I trishtë dhe i dhimbshëm lajmi për ndarjen tragjike nga jeta të 4 bashkëqytetarëve tanë. Me miqtë e familjarët e tyre sot është pikëlluar edhe i gjithë qyteti.

Bashkia Patos shpreh ngushëllimet më të sinqerta të afërmve të familjes Gushi që humbën jetën tragjikisht në një aksident në aksin Fier-Vlorë.

Përmes një mbledhjeje urgjente të Këshillit Bashkiak, Bashkia Patos vendosi të marrë përsipër mbulimin e shpenzimeve të ceremonisë mortore për këtë familje.

U prehshin në paqe. I qoftë dheu i lehtë!

The post Prindërit dhe dy vajzat e mitura humbën jetën në aksidentin tragjik, bashkia merr përsipër shpenzimet e mortit appeared first on Albeu.com.

I pyetur nga gazetari se me çfarë merreshin para se të emigronin në shtetin fqinj, i afërmi përgjigjet duke thënë se kryefamiljari nuk kishte asnjë punë dhe ikën në Greqi.

“U shua e gjithë familja, alamet djali, familje shumë e mirë. Jetonin në Greqi po bënte dy vite që kishin ikur për të punuar andej.
Kishte vetëm të atin këtu të tërë andej i ka.
Nuk kishte me cfarë merrej, këtu s kishte punë.”

The post “Alamet djali”, flet i afërmi i familjes Gushi që u shua sot në Vlorë (VIDEO) appeared first on Albeu.com.

Shefit i Reaminacionit pranë spitalit rajonal Vlorë në një prononcim për mediat ka dhënë detaje në lidhje me gjendjen shëndetësore të tre të plagosurve nga ky aksident.

Mjeku ka bërë me dije se dy prej të plagosurve do të nisen drejt spitalit të Traumës në Tiranë.

“Pacientët janë në gjendje stabël, në momentin e parë i kemi bërë scaner dhe njëri prej tyre ka dëmtime cervikale me lusacion, pa dëmtime metulare, pacienti tjetër ka shembje të të tërë trupit dhe njëri nga ata është në gjendje më të lehtë me gërvishtje në pjesën e fytyrës.

Dy prej pacientëve do t’i transportojmë në spitalin e Traumës në Tiranë sepse njëri është më i rrezikuar sepse ka dëmtime të vertebrave cervikalë.

Pacienti tjetër nuk do shtrohet, mori një trajtim ambulator dhe do jetë i lirë nga ana mjekësore. Pacientët janë koshientë me respiracion. Kanë shfaqje të panikut, këto që janë post-traumatike, ndërsa ata që kanë ndërruar jetë nuk kanë ardhur në repartin e kirurgjisë”, ka thënë mjeku./abc news

The post Aksidenti me 4 viktima, mjeku: Të plagosurit të vetëdijshëm, dy do transportohen te Trauma appeared first on Albeu.com.