Një aksident ka ndodhur në në aksin Shkodër-Postribë pranë fshatit Hot i Ri.
Drejtuesi i një motori me iniciale B. R., 18 vjeç është përplasur me një shtyllë që ndodhet afër rrugës.
Ky është aksidenti i dytë brenda pak ditësh që regjistrohet në këtë aks rrugor. Një aks mjaft problematik përsa i përket aksidenteve në Shkodër.
Njoftimi i policisë:
Shkodër/Informacion paraprak
Rreth orës 18:30, në aksin rrugor Shkodër – Mes, në vendin e quajtur “Hot i Ri”, shtetasi B. R. 18 vjeç, banues në fshatin Ura Shtrejt, Shkodër, duke drejtuar një motoçikletë, ka humbur kontrollin e drejtimit të motoçikltës, dhe për pasojë motoçikleta është përplasur me një shtyllë.
Si pasojë e përplasjes është dëmtuar drejtuesi i motoçikletës i cili ndodhet në Spitalin Rajonal Shkodër nën kujdesin e mjekëve.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
