Aksident në Shëngjin, makina përplas motorin! Plagosen dy persona

Një aksident rrugor ka ndodhur këtë të hënë në Ishull Shëngjin, Lezhë, ku një automjet është përplasur me një motor.

Si pasojë e përplasjes kanë mbetur të lënduar dy persona, të cilët janë transportuar menjëherë për në spital.

Sipas burimeve mjekësore, të plagosurit ndodhen jashtë rrezikut për jetën. Policia ka mbërritur në vendngjarje dhe po punon për zbardhjen e rrethanave të aksidentit.