Një aksident i rëndë është shënuar mbrëmjen e sotme në aksin Shkodër-Koplik.
Mësohet se shtetasi që drejtonte automjetin tip “Volkswagen” Gëzim Burgaj ka aksidentuar një shtetase, e cila po lëvizte me biçikletë nga ku ka humbur edhe jetën.
Të lidhura
None found
Aksidenti ka ndodhur pranë kompleksit “Zmijani”. Shkak mendohet të ketë qenë edhe errësira në këtë aks rrugor i cili njihet si një nga rrugët më problematike.
Njoftim i policisë
Rreth orës 21:20, në aksin rrugor Shkodër-Koplik, në zonë të fshatit Shtoj, konkretisht në afërsi të një kompleksi sportiv, shtetasi G.B. 27 vjeç, banues në Shtoj, duke drejtuar automjetin e tij tip “Volkswagen”, ka aksidentuar një shtetase që lëvizte me biçikletë, ende e paidentifikuar, e seksit femër, rreth 35-40 vjeçe, e cila ka ndërruar jetë.
Drejtuesi mjetit është shoqëruar në ambjentet e DVP Shkodër për veprime të mëtejshme procedurale.
Grupi hetimor po vijon punën hetimore për sqarimin e rrethanave të aksidentit./albeu.com
