Një aksident me vdekje ka ndodhur mbrëmjen e së dielës tek kështjella e Dragoit në Malësi të Madhe. Viktima është një i ri, Kristian Curaj, 22 vjeç nga Bajza.
Policia e Shkodrës tha se rreth orës 21:50, në aksin rrugor Koplik-Hot, në vendin e quajtur “Kështjella e Dragoit”,Vukpalaj, Malësi e Madhe, një “Benz” me drejtues shtetasin Ferdinand Dreshaj, 24 vjeç, banues në fshatin Rapshe, Malësi e Madhe, është përplasur me “Audi”, me drejtues shtetasin Kristian Curaj 22 vjeç, banues në Bajze, Malësi e Madhe.
Si pasojë e përplasjes ka mbetur i dëmtuar drejtuesi i mjetit “Audi”, shtetasi K. C., i cili pas ndihmës së parë në spitalin e Shkodrës u dërgua për ndihmë më të specializuar në Spitalin e Traumës Tiranë, ku për shkak të plagëve të marra ka ndërruar jetë.
Drejtuesi i automjetit tip “Benz” është shoqëruar në ambientet e Policisë, për veprime të mëtejshme.
