Aksident i rëndë në Lezhë-Milot, plagosen katër persona

Një aksident i rëndë ka ndodhur mbrëmjen e kësaj të mërkure pranë urës së Milotit. Bëhet me dije se dy mjete janë përplasur me njëra-tjetrën dhe si pasojë kanë mbetur të plagosur katër persona.

Të lënduarit janë transportuar drejt spitalit të traumës në Tiranë, ndërkohë që njëri nga të lënduarit ndodhet në gjendje të rëndë shëndetësore. Në vendin e ngjarjes kanë mbërritur forcat e policisë, të cilat po punojnë për zbardhjen e plotë të rrethanave të aksidentit.