Protesta qytetare ka hyrë sot në ditën e 87-të të saj.
Qytetarët janë mbledhur në sheshin “Skënderbej”, prej nga do të nisen në marshim përgjatë bulevardit drejt Kryeministrisë. Pas mbërritjes para godinës së ekzekutivit, priten fjalime ku protestuesit do të paraqesin shqetësimet dhe pakënaqësitë e tyre për politikat e qeverisë.
Të lidhura
None found
Kërkesa kryesore e protestuesve është dorëheqja e Edi Ramës. Në platformën e tyre kërkohet gjithashtu ngritja e një qeverie tranzitore me mandat 12-mujor, e cila do të përgatisë vendin për zgjedhjet e ardhshme.
Një tjetër kërkesë e tyre lidhet me shfuqizimin e disa nismave ligjore që, sipas protestuesve, cenojnë interesat e qytetarëve shqiptarë.
Organizatorët kanë bërë të ditur se tubimet do të vijojnë edhe gjatë ditëve të ardhshme dhe se protesta nuk do të ndalet pa u përmbushur kërkesat e tyre.
