Duket sikur covid nuk po qarkullon më në vendin tonë, por ndonëse në shifra të ulëta ka nga ata që po e kalojnë në gjendje të rëndë shëndetësore.
Në spitalin covid 1, katër gra nga Tirana të moshave 50 deri në 60 vjeç janë në gjendje të rëndë shëndetësore.
Nga komunikimi me mjekët dy prej grave, ato 60 vjeç kanë hezituar të vaksiohen ndërsa dy të tjerat kanë thënë se po prisnin t’u vinte radhën për t’u vaksinuar. Por në fakt në Shqipëri mosha e vaksinimit është pikërisht 50 deri në 60 vjeç.
Mjekët bëjnë apel për qytetarët të vaksinohen pasi vaksina anticovid e çfarëdo lloji të jetë jo vetëm shpëton jetë, por mbron nga format e rënda. Javën e kaluar në Shqipëri u zhvilluan dy ditët e hapura të vaksinimit ku mund të vaksinohej çdo person 18 vjeç e lart./ TCh
