Gjatë vizitës në Sofje, ku mori pjesë në Forumin “BE-ja takon Ballkanin”, Kryenegociatori i Republikës së Kosovës me Bashkimin Evropian, Jeton Zulfaj, u takua me Ministren e Punëve të Jashtme të Bullgarisë, Velislava Petrova-Chamova.
Të lidhura
None found
Diskutimet u përqendruan te marrëdhëniet mes Kosovës dhe Bullgarisë, bashkëpunimi në nivel rajonal, si dhe rruga e Kosovës drejt anëtarësimit në Bashkimin Evropian.
Zulfaj shprehu mirënjohjen për mbështetjen që Bullgaria i ka dhënë Republikës së Kosovës në faza të ndryshme të shtetndërtimit, si dhe për kontributin bullgar në forcimin e sigurisë dhe stabilitetit në rajon.
Për Kosovën, marrja e statusit të vendit kandidat dhe nisja e negociatave për anëtarësim vazhdojnë të jenë objektiva prioritare. Në këtë kuadër, Kryenegociatori Zulfaj nënvizoi nevojën për një mbështetje aktive nga Bullgaria, me qëllim avancimin e aplikimit të Kosovës.
