Komisioni Qendror i Zgjedhjeve në Kosovë ditën e sotme ka refuzuar rekomandimin e Sekretariatit, e cila ishte për rivlerësimin e votave të bëra me postë.
Në Qendrën e Numërimit dhe Rezultateve pesëmbëdhjetë nga fletëvotimet janë shpallur të pavlefshme, ndërsa Paneli Zgjedhor për Ankesa dhe Parashtresa ka shprehur se ato duhet të shpallen të vlefshme.
Ndërkohë që, sekretariati i KQZ-së ka thënë se duhet të happen të gjitha kutitë e bëra përmes postës pasi duhet të vlerësohen fletëvotimet të cilat janë shpallur të pavlefshme, ku me 4 vota dhe tre abstenime është refuzuar kjo kërkesë.
Anëtari i KQZ-së nga radhët e PDK-së, Ilir Gashi, ka shprehur kundërshtimin e tij duke e cilësuar si të pasigurt dhe pa bazë të mjaftueshme për t’u mbështetur.
Në anën tjetër, anëtari i KQZ-së nga LVV-ja, Sami Kurteshi, e mbështeti rekomandimin, duke shtuar se pret që organet e drejtësisë të ndërhyjnë për të adresuar shqetësimet që kanë lindur nga ky proces.
