Prokuroria Speciale e Republikës së Kosovës ka paraqitur aktakuzë kundër K.Xh., i cili dyshohet se ka kanosur kryeministrin në detyrë, Albin Kurti.
Të lidhura
None found
Në aktakuzë thuhet se më 22 tetor 2025, K.Xh., me dashje dhe synim për ta frikësuar një zyrtar për shkak të detyrës dhe pozitës së tij si kryeministër i Republikës së Kosovës, e ka kanosur publikisht të dëmtuarin A.K.
Sipas Prokurorisë, kërcënimi ndaj Kurtit është bërë përmes rrjetit social Facebook, ku i pandehuri ka deklaruar se do ta privojë nga jeta.
Për këto veprime, K.Xh. ngarkohet me veprën penale “Kanosja”.
Çështja i është dërguar për shqyrtim Departamentit Special të Gjykatës Themelore në Prishtinë.
