Presidenti kalon nga LDK-ja: A do zgjidhet dot Osmani presidente?

Ka përfunduar përsëritja e raundit të parë për votimi, ndërsa nuk është arritur të zgjidhet presidenti i Kosovës, e kjo për shkak se tre deputetët e LDK’së, Agim Veliu, Driton Selmanaj, e Avdullah Hoti, nuk po marrin pjesë në votimi.

Në momentin kur duhej të fillonte votimi, kryetari i Kuvendit, Glauk Konjufca konstatoi prezencën e 82 deputetëve në sallë.

Në votimin e parë kanë marrë pjesë 78 deputetë dhe jo 80 sa parashikohet me Kushtetutë, që solli dështimin e raundit të parë.

Ndërsa në përsëritjen e raundit e parë votuan 79 deputetë e që bëri që të dështojë përsëri procesi për zgjedhjen e presidentit.

Deputetët e Lidhjes Demokratike të Kosovës, Avdullah Hoti e Agim Veliu e Dritan Selamanj, ishin pikërisht ata që nuk morën pjesë as në përsëritjen e votimit për të zgjedhur presidentin e ri të Kosovës.

Madje, Veliu sapo iu thirr emri është parë duke u larguar nga salla.

Kjo nënkupton dështim edhe për herë të dytë që të arrihet kuorumi për të vazhduar me procedura të metejeshme për të zgjedhur presidentin e ri të Kosovës, e që pjesëmarrës në votim në rundin e parë duhet të jenë 80 deputetë.

Glauk Konjufca ka thënë se Kuvendi shkon 30 minuta pauzë, me shpresën që në përsëritjen e tretë, deputetët e ‘rebeluar’ të LDK’së, të marrin pjesë në votim.