Këshilli Prokurorial i Kosovës ka hedhur poshtë kërkesat e pesë prokurorëve dhe 15 pjesëtarëve të stafit mbështetës nga radhët e komunitetit serb, të cilët synonin të tërhiqnin dorëheqjet dhe t’i riktheheshin sistemit prokurorial.
Të lidhura
None found
Vendimi për të mos i ripranuar në detyrë erdhi pasi ish-prokurorët serbë u larguan kolektivisht nga institucionet e Kosovës në pjesën veriore të vendit gjatë muajit nëntor të vitit 2022. Më pas, ata kishin shprehur vullnetin për t’u kthyer në pozicionet e tyre të mëparshme.
Në vijim të këtij refuzimi, KPK-ja ka përcjellë tek Presidentja e vendit listën me emrat e pesë prokurorëve, duke rekomanduar shkarkimin e tyre nga detyra.
Gjithashtu, gjatë së njëjtës mbledhje, Këshilli ka anuluar masën e mëparshme që pezullonte pagat për prokurorët dhe stafin administrativ serb.
