Zëvendëskryeministri i Parë dhe Ministri i Punëve të Jashtme dhe Diasporës në detyrë, Glauk Konjufca, ka pritur sot në një takim përshëndetës Shefen në detyrë të Zyrës së Bashkimit Evropian në Kosovë, Eva Palatova.
Të lidhura
None found
Gjatë bisedës, Konjufca shprehu mirënjohjen e tij për përkushtimin, partneritetin dhe rolin që Palatova ka luajtur në thellimin e dialogut mes institucioneve të Kosovës dhe Bashkimit Evropian.
Të dy bashkëbiseduesit vunë në dukje domosdoshmërinë e përshpejtimit të rrugës së Kosovës drejt integrimit evropian dhe të vijimit të bashkërendimit të ngushtë me BE-në në sektorë me interes të përbashkët.
Në fund, zëvendëskryeministri Konjufca i dëshiroi Palatovës mbarësi në sfidat e saj të ardhshme profesionale.
