Koci kritikon Zelenskyn: “Harroi se po fliste si burrështetas, jo si zëdhënës i Beogradit

Analisti politik Melazim Koci ka reaguar në Facebook ndaj deklaratave të presidentit ukrainas, Volodymyr Zelensky, të bëra gjatë vizitës së tij në Beograd. Zelensky përsëriti qëndrimin e Ukrainës për mosnjohjen e pavarësisë së Kosovës, ndërsa vuri në dukje respektimin e integritetit territorial të Serbisë dhe të së drejtës ndërkombëtare.

Koci e konsideroi të papranueshëm qëndrimin e presidentit ukrainas, duke deklaruar se ai “duket se harroi se po fliste si burrështetas, jo si zëdhënës i Beogradit”.

Sipas analistit, përkufizimi i pavarësisë së Kosovës si “e njëanshme” dhe mbështetja te e drejta ndërkombëtare nuk përbëjnë një sfidë vetëm ndaj Kosovës. Ai pretendon se me këto qëndrime Zelensky kundërshtoi gjithashtu pozicionet e SHBA-së, BE-së dhe Gjykatës Ndërkombëtare të Drejtësisë, përcjell “Bota sot”.

Reagimi i plotë

Zelenski, të cilin vjet Trump e kishte quajtur diktator, me sa duket nuk e kujtoi se po fliste në cilësinë e një burrështetasi dhe jo si zëdhënës i Beogradit. Duke e cilësuar pavarësinë e Kosovës si “të njëanshme” dhe duke u mbështetur te “e drejta ndërkombëtare”, ai nuk u përball vetëm me Kosovën, por edhe me SHBA-në, BE-në dhe GJND-në. Një gafë diplomatike që i përshtatet më shumë Beogradit sesa Kievit.