Identifikohet personi që humbi jetën në vendin e punës në Istog

Një aksident i dyshuar në vendin e punës i ka marrë jetën një personi në fshatin Dubravë të Istogut.

Viktima është identifikuar si Xhemë Kadriu, banor i fshatit Kopiliq të Skënderajt.

Informacionet e para bëjnë me dije se Kadriu dyshohet të jetë zënë nga një lift teksa po punonte në Dubravë të Istogut.

Detajet dhe rrethanat e sakta të ngjarjes tragjike ende nuk janë bërë të ditura.