Deputeti i Lidhjes Demokratike të Kosovës, Avdullah Hoti, ka komentuar zhvillimet rreth zgjedhjes së presidentit të ri, duke theksuar se një marrëveshje politike e arritur nga liderët e partive nuk i obligon deputetët e Kuvendit.
Të lidhura
None found
Sipas Hotit, një dakordim i tillë nuk mund të shërbejë si argument për t’u kërkuar deputetëve votë, veçanërisht në rastin kur kandidati i parashikuar në marrëveshje ka hequr dorë nga kandidatura.
Ai ka nënvizuar se marrëveshja mes dy kryetarëve të partive nuk mund të kthehet në një udhëzim detyrues për përfaqësuesit e Kuvendit.
Hoti ka rikujtuar se Kushtetuta përcakton qartë se deputetët, si përfaqësues të qytetarëve, nuk mund t’i nënshtrohen asnjë detyrimi.
Ai ka deklaruar se marrëveshjet politike mund të rishikohen dhe se Lidhja Demokratike e Kosovës është e gatshme të votojë një kandidat nga radhët e saj, duke e konsideruar këtë të nevojshme për ruajtjen e balancës së pushteteve.
“Si mund të mbështetet dikush në një marrëveshje, kur personi i përfshirë në të është tërhequr nga gara? Një marrëveshje mes dy liderëve partiakë nuk mund të shndërrohet në urdhër për deputetët e Kuvendit”, ka shkruar Hoti në Facebook.
Ai ka shtuar se zgjedhjet e reja janë zgjedhja e tij, në vend të nënshtrimit politik, duke theksuar se mund të negociohen marrëveshjet politike, por jo Kushtetuta e Kosovës.
