Gjykata e Apelit ka lënë në fuqi vendimin e shkallës së parë, duke miratuar vazhdimin e paraburgimit prej një muaji për Gani Gecin, i cili dyshohet se ka kërcënuar gazetarin Lirim Mehmetaj.
Më herët, Gjykata Themelore në Prishtinë kishte urdhëruar mbajtjen e Gecit në paraburgim për një periudhë 30-ditore.
Të lidhura
None found
Sipas akuzave të Prokurorisë, ngjarja ka nisur pas një shkrimi që Mehmetaj kishte publikuar në Facebook lidhur me deputetin Fatos Geci.
Pretendimet e organit të akuzës tregojnë se Gani Geci i ishte drejtuar gazetarit me kërcënime, duke i bërë presion që ta fshinte ose ta modifikonte postimin e tij.
Në dokumentacionin e paraqitur për vendosjen e paraburgimit janë përfshirë edhe fjalët që Geci dyshohet t’i ketë thënë Mehmetajt brenda redaksisë ku ky i fundit ushtron profesionin e tij.
Çështja vijon të hetohet nga autoritetet gjyqësore.
