Daut Haradinaj, ish-deputet i Aleancës, vlerëson se kryeministri Albin Kurti po përdor atë që ai e cilëson si “kartën e fundit”, me synim dërgimin e vendit në zgjedhje.
Të lidhura
None found
Sipas Haradinajt, zhvillimet e fundit nuk lidhen me bashkëpunim politik. Ai tha se përveç synimit për zgjedhje të reja, Kurti po përpiqet edhe ta shantazhojë Partinë Demokratike të Kosovës.
“Këtu nuk bëhet fjalë për bashkëpunim. Unë mendoj që z.Kurti është duke e përdorur kartën e fundit për ta shantazhuar PDK-në dhe vendin ta dërgojë në zgjedhje. Por, të jeni të sigurt që nuk do të kalojë lehtë, për shkak se populli është i frustruar, sheshet e Evropës dhe të Kosovës janë mbushur më qytetarë të cilët kërkojnë drejtësi dhe thonë “Jo në emrin tim”, i bjen që Kuvendi i Kosovës duhet të flasë në emër të popullit”.
Haradinaj paralajmëroi se deputetët që nuk do ta respektojnë vullnetin e qytetarëve dhe nuk do të votojnë sonte, do të mbajnë përgjegjësi për një vendim me pasoja historike.
“Nëse ata i shmangen vullnetit qytetarë dhe nuk votojnë sonte, ata do të jenë pjesë e një vendimi katastrofal historik, do të jenë pjesë e atyre që janë gëzuar në Beograd, në rastin e z.Thaçi me kolegë”, deklaroi Haradinaj.
