Deputetja e PDK-së, Vlora Çitaku, i ka kërkuar kryeministrit Albin Kurti të paraqitet në Kuvend dhe të votojë ligjin për Gjykatën Speciale.
Të lidhura
None found
Çitaku tha se koha në dispozicion është e kufizuar dhe se në Kuvend po priten Kurti, si dhe të gjithë 91 deputetët që e mbështetën ligjin në leximin e parë.
Ajo theksoi se miratimi i këtij ligji nuk përbën favor ndaj PDK-së, por është detyrim dhe nder për secilin deputet që të mbrojë UÇK-në, të kaluarën dhe të ardhmen e Kosovës.
“Albin, eja në Kuvend dhe ndali lojërat. Kosova është më e madhe dhe më e rëndësishme se kalkulimet politike të ditës”, ka shkruar Çitaku.
Sipas saj, kanë mbetur edhe pak orë dhe deputetët ndodhen në Kuvend, në pritje të Kurtit dhe 91 ligjvënësve që votuan pro në leximin e parë.
Çitaku i ka bërë thirrje kryeministrit që të mos vonojë më, të shkojë në Kuvend dhe ta votojë ligjin pa vonesë.
