Ministri në detyrë i Arsimit dhe Shkencës, Hajrulla Çeku, theksoi se procesi i reformimit të arsimit duhet të ecë më shpejt, ndërsa për ndërtimin e një sistemi cilësor kërkohet angazhimi i të gjithë akterëve.
Të lidhura
None found
Gjatë takimit me përfaqësues të institucioneve arsimore, sindikatave, universiteteve, prindërve, studentëve dhe nxënësve, u arrit dakordim për bashkërendimin e veprimeve në kuadër të reformës arsimore, bëri të ditur Çeku.
Ai njoftoi se po përgatitet Strategjia e re e Arsimit 2035+, që ka për synim sigurimin e arsimit cilësor nga fëmijëria e hershme deri në universitet, si dhe forcimin e njohurive e kompetencave të domosdoshme për zhvillimin e vendit.
Diskutimet përfshinë gjithashtu përgatitjet për nisjen e vitit të ri shkollor, kurrikulën e edukimit në fëmijërinë e hershme, rishikimin e teksteve shkollore dhe profilizimin e universiteteve.
Çeku deklaroi se takime të tilla do të organizohen në mënyrë të rregullt, për të siguruar koordinim të vazhdueshëm gjatë zbatimit të reformave në arsim.
