Taulant Balla, kryetar i Grupit parlamentar të Partisë Socialiste në Kuvendin e Shqipërisë, ka reaguar kundër aktgjykimit të Dhomave të Specializuara ndaj ish-krerëve të Ushtrisë Çlirimtare të Kosovës.
Të lidhura
None found
Përmes një postimi në Facebook, Balla e cilësoi vendimin të padrejtë dhe theksoi se ai nuk mund të ndryshojë historinë e UÇK-së.
“Ky vendim sot nuk është drejtësi! Nuk zhbëhet dot historia e lavdishme e UÇK-së kështu! Padrejtësi!”, ka shkruar ai.
Politikani shqiptar u ka bërë thirrje shqiptarëve të mbrojnë UÇK-në, lirinë dhe ish-pjesëtarët e saj, ndërsa kërkoi që të përdoren të gjitha mjetet juridike për kundërshtimin dhe zhbërjen e aktgjykimit.
“Shqiptarët duhet të mbrojnë UÇK-në. Duhet të mbrojmë lirinë dhe çlirimtarët nga ky vendim i padrejtë! Duhet të gjejmë të gjitha rrugët juridiko-ligjore të zhbërjes së këtij vendimi, sepse duhet të mbrojmë me çdo kusht identitetin tonë si komb”, ka deklaruar Balla.
