Nuk ka filluar mirë udhëtimi i parë zyrtar i zëvëndëspresidentes të SHBA-ve, Kamala Harris. Aeroplani me të cilin do të fluturonte ka patur probleme teknike dhe është detyruar të ndalojë.
Harris ishte rrugës për në Guatemalë kur piloti njoftoi se duhej të aterronte në aeroportin më të afërt për shkak të problemeve teknike që po haste në avion.
“Të gjithë jemi lutur, por jemi mirë” ka qenë njoftimi i vetëm i zëvëndëspresidentes Harris.
Harrisit iu desh të priste një orë e gjysmë në një fushë ajrore ushtarake pranë Uashingtonit para se të vazhdonte më në fund udhëtimin e saj me një aeroplan tjetër.
Kamala Harris ka për të takuar sot presidentin e Guatemalës, Alejando Giammattei, ndërsa më pas do të udhëtojë në Meksikë, ku do të takohet me Presidentin Andrés Manuel López Obrador të martën.
