Një 40-vjeçar humbi jetën dhe një tjetër mbeti i plagosur rëndë pasi dyshohet se ranë në kontakt me rrymën elektrike në ambientet e jashtme të një lokali, në fshatin Karmë të Vaut të Dejës.
Sipas të dhënave paraprake të policisë, viktima është Sokol Preka, roje i një lokali bar-kafe në pronësi të shtetasit Gj. S. Në kontakt me energjinë elektrike dyshohet se ka rënë edhe David Deda, 46 vjeç, me profesion elektricist.
Të lidhura
None found
Preka ndërroi jetë gjatë rrugës për në spital, ndërsa Deda vijon të jetë në gjendje të rëndë shëndetësore.
Nën drejtimin e Prokurorisë, grupi hetimor po vijon punën për të përcaktuar dhe dokumentuar rrethanat e plota të ngjarjes.
