Sipas BBC-së, Princi Harry dhe Meghan Markle pritet të mbërrijnë sot në Britani, të shoqëruar nga dy fëmijët e tyre, Archie dhe Lilibet.
Të lidhura
None found
Duka dhe Dukesha e Sussex raportohet se po udhëtojnë privatisht nga Kalifornia. I kontaktuar lidhur me këtë udhëtim, një zëdhënës i çiftit nuk e pohoi lajmin dhe deklaroi se nuk do të jepte komente.
Ky zhvillim pason raportimet e javës së kaluar, sipas të cilave Harry dhe Meghan synojnë të transferohen në Britani gjatë muajit gusht. Familja pritet të banojë në një rezidencë private në Cotswolds, ndërsa Archie dhe Lilibet janë regjistruar në një shkollë të zonës.
Zhvendosja në Britani, megjithatë, nuk do të shoqërohet me një rikthim në angazhimet zyrtare të familjes mbretërore. Harry dhe Meghan do të vijojnë jetën si persona privatë dhe si anëtarë joaktivë të familjes mbretërore.
Çifti hoqi dorë nga detyrat mbretërore në vitin 2020, për t’u vendosur më pas në Kaliforni.
Mbreti Charles është vënë në dijeni të vendimit të tyre për t’u rikthyer në Britani. Harry, Meghan dhe fëmijët u takuan me të në korrik, në rezidencën e mbretit në Highgrove.
