FC Drenica e ka hapur me sukses pjesëmarrjen në UEFA Futsal Champions League, pasi mposhti Sakarya Karasu 1933 me rezultatin 6-0.
Të lidhura
None found
Kosovarët e dominuan takimin në të dyja pjesët, duke shënuar nga tri herë në secilën prej tyre. Kjo paraqitje efikase dhe e sigurt i solli kampiones së Kosovës fitoren në ndeshjen e parë të raundit preliminar të garave të UEFA-s.
Protagonisti kryesor i sfidës ishte Luis Quintero, i cili e gjeti tri herë rrjetën. Jetmir Gashi dhe Sebastian Sanchez shënuan nga një gol, ndërsa Burak Uğurlu realizoi autogol.
Triumfi i jep Drenicës tri pikët e para në grupin e saj.
Skuadra nga Kosova, e cila sezonin e kaluar u shpall kampione në futsall, po e përfaqëson vendin në UEFA Futsal Champions League.
Përveç Sakarya Karasu 1933, në këtë grup ndodhen edhe Murata e San Marinos dhe Újpest i Hungarisë. Kështu, Drenicën e presin edhe dy ndeshje të rëndësishme në përpjekje për të vazhduar rrugëtimin në garat evropiane.
Pas këtij starti të fuqishëm, Drenica synon të marrë hapin e radhës në Champions League.
