Dinamo City e mbylli javën e 8-të të Abissnet Superiore me fitore 2-1 ndaj Egnatias në “Elbasan Arena”, në ndeshjen e zhvilluar mbrëmjen e sotme. Skuadra kryeqytetase mori tri pikët përballë kampionëve në fuqi të Shqipërisë.
Teuta dhe AF Elbasani u ndanë në barazim pa gola. Ndërkohë, Vllaznia fitoi 2-0 në shtëpi ndaj Tiranës, Laçi mundi Vorën 1-0, ndërsa Skënderbeu triumfoi 2-0 kundër Partizanit.
Të lidhura
None found
Teuta kryeson renditjen me 20 pikë. Edhe pse u mund sot, Egnatia vazhdon ta ndjekë nga afër, me 18 pikë. Dinamo City është e treta me 15 pikë, kurse Tirana renditet e katërta me 11.
Laçi ka 10 pikë dhe Skënderbeu 9. AF Elbasani, Vllaznia dhe Vora numërojnë nga 8 pikë secila, ndërsa Partizani mbyll klasifikimin me 4 pikë.
