Gjatë vizitës së tij në Izrael, ministri i Punëve të Jashtme dhe Tregtisë së Jashtme, Timço Mucunski, u takua me homologun izraelit, ministrin e Punëve të Jashtme Gideon Saar. Takimi konfirmoi marrëdhëniet e mira dypalëshe dhe vullnetin e përbashkët për forcimin e mëtejshëm të tyre.
Të lidhura
None found
Ministria e Punëve të Jashtme dhe Tregtisë së Jashtme bëri të ditur se në takim u shqyrtuan mundësitë për zgjerimin e bashkëpunimit në të gjitha fushat me interes të përbashkët. Vëmendje e veçantë iu kushtua ekonomisë, mbrojtjes, sajber-sigurisë, shëndetësisë, bujqësisë dhe turizmit.
Sipas Mucunskit, kjo vizitë krijon mundësinë që raportet e mira politike ndërmjet dy vendeve të përkthehen në një bashkëpunim më konkret dhe më dinamik.
Gjatë vizitës u firmosën edhe dy dokumente dypalëshe: Programi për bashkëpunim në fushën e arsimit, shkencës, kulturës, rinisë dhe sportit për periudhën 2026-2029, si dhe Memorandum mirëkuptimi për konsulta ekonomike dypalëshe mes ministrive të jashtme të të dyja vendeve.
