Karabinierët italianë të Njësisë së Specializuar Shumëkombëshe (MSU), që vepron në kuadër të misionit të NATO-s, KFOR, po kryejnë në mënyrë të rregullt patrullime në Gjakovë.
Të lidhura
None found
Sipas KFOR-it, prania e tyre në terren synon të ndihmojë në ruajtjen e një klime të qetë e të sigurt, ndërsa forcon dukshmërinë dhe fleksibilitetin e misionit në zona të ndryshme.
Përmes këtyre angazhimeve, KFOR-i synon gjithashtu të përmirësojë vlerësimin e situatës së sigurisë në pjesë të ndryshme të Kosovës.
Misioni thekson se patrullime të tilla janë pjesë e përpjekjeve të vazhdueshme për të garantuar një mjedis të sigurt për të gjithë banorët e Kosovës.
“Misioni i KFOR-it vazhdon të zbatojë mandatin e tij, bazuar në Rezolutën 1244 të Këshillit të Sigurimit të OKB-së të vitit 1999, duke kontribuar në sigurinë dhe lirinë e lëvizjes në Kosovë, në mënyrë të paanshme.
KFOR-i bashkëpunon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre përkatëse si mekanizma të reagimit në fushën e sigurisë”, thuhet në njoftim.
