Një person ka humbur jetën pasi një autobus turistik u përfshi nga zjarri në një autostradë të Kalifornisë.
Policia u njoftua në orën 5:38 të mëngjesit për një autobus që po digjej në anë të autostradës, në zonën e Rrugës Shtetërore 60. Flakët nisën në pjesën e pasme të automjetit dhe përfshinë disa rreshta sediljesh. Sipas të dhënave paraprake, autobusi duket se i përkiste kompanisë turistike meksikane Viajes Azteca.
Të lidhura
None found
Ekipet që mbërritën në vendngjarje gjetën një person të pajetë, ndërsa identiteti i tij ende nuk është bërë publik. Zjarrfikësit arritën ta neutralizonin zjarrin përpara se flakët të përfshinin të gjithë autobusin.
Fotot e publikuara nga vendi tregojnë se pjesa e pasme e automjetit është dëmtuar rëndë. Për shkak të incidentit, trafiku u ndërpre në një segment të autostradës.
Autoritetet ende nuk kanë përcaktuar shkakun e zjarrit, ndërsa hetimet vijojnë.
