Barcelona raportohet se ka gjetur gjuhën e përbashkët me Lautaro Martinezin për kushtet personale, ndërsa tashmë klubi katalunas do të përpiqet të arrijë marrëveshje edhe me Interin.
Sipas Marcos Benitos nga El Chiringuito TV, sulmuesi argjentinas ka rënë dakord për kushtet e mundshme të kontratës me Barcelonën.
Të lidhura
None found
Javën e kaluar, drejtori sportiv i Barcelonës, Deco, së bashku me Bojan Krkic, u takuan në Madrid me përfaqësuesin e Lautaro Martinezit. Gjatë këtij takimi, palët arritën një marrëveshje verbale për aspektin financiar të kontratës.
Ndërkohë, raportimet bëjnë të ditur se Barcelona po përgatit ofertën e saj të parë për Interin, e cila pritet të jetë më e ulët se 100 milionë euro.
Klubi italian dëshiron ta vazhdojë bashkëpunimin me kapitenin e tij, i cili ka kontratë deri në vitin 2029. Megjithatë, një ofertë e lartë për transferimin e tij mund të ndikojë në qëndrimin e Interit.
Barcelona e konsideron “El Toron” objektivin kryesor për fazën e fundit të afatit kalimtar të verës, pasi ka hequr dorë nga tentativa për të transferuar Julian Alvarezin e Atletico Madridit.
