Një helikopter privat është rrëzuar pasditen e sotme në ishullin Sifnos të Greqisë, ndërsa shkaqet e aksidentit mbeten ende të paqarta.
Të lidhura
None found
Sipas korrespondentit të Top Channel, Artur Bibe, ngjarja është regjistruar rreth orës 18:17 me orën lokale në zonën e Tholos.
Ekipet e emergjencës janë drejtuar menjëherë për në vendin ku ra helikopteri. Deri në këto momente, nuk ka të dhëna zyrtare as për numrin e personave që ishin në bord dhe as për gjendjen e tyre.
Informacionet paraprake, të cilat nuk janë konfirmuar, flasin për viktima të mundshme, por autoritetet greke nuk kanë publikuar ende një bilanc zyrtar.
Nga autoritetet priten njoftime të mëtejshme lidhur me dinamikën e aksidentit dhe identitetin e personave që udhëtonin me helikopterin.
