Departamenti për Krime të Rënda i Gjykatës Themelore në Pejë ka vendosur që i pandehuri Vezir (Ramush) Haziraj të mbahet në paraburgim për 30 ditë.
Të lidhura
None found
Masa do të përllogaritet nga 15 gushti 2026, kur Haziraj u arrestua, dhe do të jetë në fuqi deri më 13 shtator 2026, thuhet në aktvendimin e siguruar.
Ai është nën dyshimin për veprën penale “mbajtja në pronësi, kontroll ose posedim të paautorizuar të armës”, ndërsa ndaj tij Prokuroria Themelore në Pejë ka hapur hetime.
Aktvendimi u mor pas seancës dëgjimore të zhvilluar më 16 gusht, me ç’rast gjykata konstatoi se ekzistojnë kushtet e parashikuara me ligj për caktimin e kësaj mase.
Në vendim bëhet e ditur se hetimet nga Prokuroria kanë filluar më 10 gusht 2026 dhe se çështja ka të bëjë me dyshimet për kryerjen e veprës penale të armëmbajtjes pa leje.
