Gjatë Monterey Car Week do të ofrohet në ankand një Ferrari 250 GT Cabriolet Series I i vitit 1958, i projektuar nga Pinin Farina dhe i konsideruar ndër ekzemplarët më të veçantë të eventit.
Të lidhura
None found
Sipas vlerësimit të RM Sotheby’s, çmimi i këtij automjeti pritet të lëvizë nga 4 deri në 5 milionë dollarë.
Ky Ferrari është një prej vetëm 40 njësive Series I të prodhuara. Ai ka ruajtur një nivel të jashtëzakonshëm origjinaliteti, pasi motori, shasia, kutia e shpejtësive dhe boshti i pasmë mbajnë numrat përkatës.
Automjeti disponon gjithashtu certifikimin Ferrari Classiche, ndërsa në vitin 2023 është vlerësuar në Pebble Beach Concours d’Elegance.
Nën kofano ndodhet një motor V12 me kapacitet 3.0 litra. Prodhimi i kufizuar, pjesët origjinale dhe historiku i dokumentuar e kthejnë këtë model në një objekt shumë të dëshiruar për koleksionistët.
Ankandi do të zhvillohet në Monterey nga 13 deri më 15 gusht dhe makina pritet të renditet mes modeleve Ferrari më të përfolura të këtij viti.
