Organizata Botërore e Shëndetësisë u ka bërë thirrje autoriteteve shëndetësore në jug të kontinentit që të shtojnë kujdesin, pas shfaqjes së disa rasteve të reja me ethet e Nilit Perëndimor.
Të lidhura
None found
Të dhënat e përditësuara nga Qendra Evropiane për Parandalimin dhe Kontrollin e Sëmundjeve (ECDC) tregojnë se që në nisje të sezonit të mushkonjave, mbi 240 persona kanë rezultuar pozitivë me këtë virus në shtatë shtete të Evropës. Të gjitha infektimet kanë ndodhur brenda territorit të këtyre vendeve, pra pacientët nuk e kanë marrë sëmundjen gjatë udhëtimeve jashtë vendit.
Italia kryeson listën me 139 raste të konfirmuara dhe prej 59 zonave të prekura në mbarë Evropën, 36 ndodhen pikërisht aty, kryesisht në rajonet veriore. Ndërkohë, Greqia ka regjistruar 61 të infektuar, Spanja 17 dhe Maqedonia e Veriut 13 raste.
Rumania ka njoftuar për gjashtë pacientë, Franca për katër, kurse Gjermania për një rast lokal në distriktin Rhine-Pfalz të shtetit Rheinland-Pfalz. Megjithatë, duke përfshirë edhe infektimet e importuara, numri i përgjithshëm në Gjermani për këtë vit arrin në pesë.
