Qendra për Menaxhim me Kriza njofton se gjatë 24 orëve të fundit, në mbarë territorin e vendit janë evidentuar 25 zjarre në ambiente të hapura. Prej tyre, 22 janë shuar tërësisht, një është vendosur nën kontroll, ndërsa dy vazhdojnë të jenë aktive.
Të lidhura
None found
Aktive mbeten vatra në Gorno Lisice, në Komunën e Aerodromit, ku flakët kanë përfshirë bimësi të ulët, dru dhe misër, si dhe zjarri në dalje të Kriva Palankës, i cili ka prekur një deponi.
Nën kontroll është vënë zjarri mbi fshatin Zelenikovë, ku më herët digjeshin pyll dhe bimësi e ulët.
Në disa komuna të Shkupit, përfshirë Gazi Babën, Gjorçe Petrovin, Sopishten, Haraçinën, Studeniçanin dhe Karposhin, vatrat e regjistruara gjatë 24 orëve të fundit janë shuar.
Zjarre u raportuan gjithashtu në Novaci, Dollneni, Prilep, Çashkë, Veles, Rosoman, Strugë, Likovë, Vrapçishtë, Zhelinë, Gostivar dhe Delçevë.
Në shumicën e rasteve është djegur bimësi e ulët, ndërsa në disa zona flakët kanë përfshirë edhe pyje, pemë, mbeturina dhe deponi.
