Para nisjes së seancës, deputeti i Lëvizjes Vetëvendosje, Hekuran Murati, deklaroi se mbledhja e thirrur sot, pas përfundimit të afatit 30-ditor, është në përputhje të plotë me Kushtetutën.
Të lidhura
None found
Murati argumentoi se Kushtetuta kërkon konstituimin e Kuvendit të Kosovës, duke sjellë si shembull vitin e kaluar, kur 26 prilli ishte afati i fundit, ndërsa procesi u përmbyll në tetor.
“Seanca është plotësisht kushtetuese. Kushtetuta kërkon që Kuvendi i Kosovës të konstituohet. Nëse e kujtoni vitin e kaluar, 26 prilli ka qenë data e fundit, por është konstituuar në tetor”, tha Murati.
Vazhdimi i seancës konstituive të Kuvendit të Kosovës është caktuar për të shtunën, sot, në orën 11:00. Partitë ish-opozitare kishin kërkuar që mbledhja të zhvillohej dje pasdite, me arsyetimin se në mesnatë skadonte afati kushtetues 30-ditor për konstituimin e institucionit ligjvënës.
Nga zgjedhjet e 7 qershorit, LVV-ja siguroi 53 deputetë, PDK-ja 22, LDK-ja 18 dhe Aleanca 7.
