Shtetasi kolumbian Samir Rosales Rodriguez është lënë në burg me vendim të Gjykatës së Posaçme të Shkallës së Parë për Korrupsionin dhe Krimin e Organizuar (GJKKO). Ai u soll në Shqipëri për të vuajtur dënimin me 14 vite heqje lirie, të caktuar pas hetimeve të SPAK-ut lidhur me laboratorin e kokainës në Frakull.
I njohur me pseudonimin “Kimisti”, Rosales Rodriguez vlerësohet nga struktura e posaçme si një prej figurave kryesore të grupit që merrej me përpunimin e lëndës narkotike në Frakull.
Të lidhura
None found
Menjëherë pas përfundimit të operacionit antidrogë, ai mundi të largohej nga Shqipëria. Në vijim të shpalljes në kërkim ndërkombëtar, kolumbiani u gjet dhe u arrestua në Kolumbi, ndërsa pas përfundimit të procedurave u soll në vendin tonë për të kryer dënimin e dhënë nga drejtësia shqiptare.
