Ambasada e Shteteve të Bashkuara në Shqipëri ka reaguar pas konfirmimit të emërimit të gjenerallejtënantit në pension, Eric Wendt, si ambasadori i ardhshëm amerikan në vendin tonë.
Përmes një njoftimi zyrtar, përfaqësia diplomatike amerikane bëri të ditur se Wendt pritet të mbërrijë në Tiranë për të marrë detyrën si përfaqësuesi më i lartë i SHBA-ve në Shqipëri.
Të lidhura
None found
Ambasada shprehet se nga Tirana, ambasadori i emëruar do të mbështesë vizionin e Presidentit Donald Trump për siguri të përbashkët, forcimin e NATO-s dhe marrëveshje të drejta për bizneset amerikane.
“U konfirmua! Urime Gjenerallejtënantit (në pension) Eric Wendt për rolin e tij të ri si Ambasadori i ardhshëm i Shteteve të Bashkuara në Shqipëri! Presim me kënaqësi Ambasadorin e emëruar Wendt në Tiranë, nga ku do të mbështesë vizionin e Presidentit Trump për siguri të përbashkët, një NATO më të fortë dhe marrëveshje të drejta për bizneset amerikane”, thuhet në reagimin e ambasadës.
