Giannis Apostolou, kryebashkiaku i Stylidës, është lënë në paraburgim nga autoritetet greke për zjarrin që javën e kaluar dogji sipërfaqe të gjera pyjore pranë Athinës.
Të lidhura
None found
Sipas dyshimeve të hetuesve, zjarri mund të jetë shkaktuar nga një shkëndijë në kabllot elektrike që menaxhoheshin prej një kompanie private pranë fshatit bregdetar Agios Vasileios, afërsisht 85 kilometra në veriperëndim të kryeqytetit grek.
Erërat me shpejtësi deri në 130 kilometra në orë favorizuan përhapjen e shpejtë të flakëve në shpatet jugore të malit Kithairon, duke i çuar ato pranë një qyteti që ndodhet rreth 40 kilometra larg Athinës.
Apostolou drejton një kompani instalimesh elektrike të lidhur me një park turbinash ere në zonën e prekur. Ai dhe një kontraktor përballen me akuza për zjarrvënie dhe dëmtim të infrastrukturës publike, ndërsa në rast se shpallen fajtorë rrezikojnë secili më shumë se dhjetë vjet burg.
